27 may 2013 16:30
Qətər - Azərbaycan matçını liviyalı hakimlər idarə edəcək
Azərbaycan və Qətər milli komandaları arasında keçiriləcək yoldaşlıq oyununu idarə edəcək hakimlər müəyyənləşib. Azerisport.az xəbər verir ki, bu barədə AFFA məlumat yayıb.
Məlumatda bildirilir ki, görüşü Liviyadan olan hakimlər briqadası idarə edəcək. Baş hakim Tamuni Salah Vahid olacaq. Baş hakimin köməkçiləri Attia Amsaad, Foaad El Maghrabidi. Dördüncü hakim funksiyasını isə Khamis Al-Kuvari yerinə yetirəcək.
Qeyd edək ki, Azərbaycan və Qətər milli komandaları arasında keçiriləcək yoldaşlıq oyunu mayın 29-da, yerli vaxtla saat 19:15-də (Bakı vaxtı ilə 21:15), Doha şəhərində, Al-Sadd klubunun stadionunda baş tutacaq.
Xatırladaq ki, bu oyunla bağlı Azərbaycan milli komandasının bütün xərcləri Qətər Futbol Assosiasiyası tərəfindən ödəniləcək.
