29 may 2013 00:52
Böyükağa Hacıyev Xəzər Lənkəran üzərindəki qələbədən danışdı
“Neftçi”nin baş məşqçisi Böyükağa Hacıyev Azərbaycan Kubokunun “Xəzər Lənkəran”la final matçını şərh edib. Azerisport.az xəbər verir ki, paytaxt klubunun çalışdırıcısı bunları dilə gətirib:
“Etiraf edim ki, oyunun penaltilərə qədər uzanacağını gözləmirdim. Amma istənilən halda qələbə çox xoşdu. Penalti seriyası lotereya kimi bir şeydi. Amma biz bu matçı öz oyunumuzla qazandıq. Hakim qapıçıya qapıda yeri tutmaq haqda göstəriş verəndən sonra Stamenkoviç buna əməl etməzsə, cəzalana bilər. Onun 11 metrlik cərimə zərbəsinə həssaslığı var. Bu, Stamenkoviçin serbsayağı uğur nişanıdır. Mən rəqib komandanın taktiki düzülüşünü görən kimi Con Toşakın ikiqat müdafiə ilə oynadığını bildim. Meydana 8 müdafiəçi ilə çıxmışdılar. “Turan”, “Kəpəz” və “Sumqayıt”la oyunlarını izləmişdim. Açıq futbol oynaşaydılar, onlar üçün ağır olardı. Toşak da təcrübəsinə güvənib müdafiə futbolu oynadı. 100 faizlik qol epizodu yarada bilmədilər. Əvəzetmələr komandanın oyununu gücləndirə və ya sındıra bilər. Əlimin altında olan futbolçuların nəyə qadir olduğunu bilirəm. Antalyada gündə 3 dəfə məşq edəndə bəzi insanlar buna qəribə yanaşdılar. Bunun nəticəsini indi gördük. Cavid İmamverdiyev xəyallar dünyasında yaşayır. Mitreski mənim istədiyim oyun fəlsəfəsinə uyğun futbolçudu. Super Kubok oyununu səbrsizliklə gözləyirəm”.
