29 may 2013 01:48
Rəşad Sadiqov: Neftçi bu mövsüm istədiyi hər şeyə nail oldu
“Neftçi”nin kapitanı Rəşad Sadiqovun azerisport.az saytına müsahibəsi
- Sizi kuboku qazanmağınız münasibətilə təbrik edirik!
- Çox sağ olun. Nəhayət ki, “Neftçi” qızıl dubl edə bildi. Çox şadam ki, buna nail ola bildik.
- 120 dəqiqə futbol və penalti seriyası. Kifayət qədər gərgin final alındı...
- Çox çətin oyun idi. Təxminən iki saat ərzində komandalar qalibi müəyyənləşdirə bilmədilər. Düzdü, qələbəni penaltilər sayəsində əldə etdik. Amma istənilən halda belə bir zəfərə imza atmağımız çox xoşdu.
- Bu ili tam olaraq “Neftçi”nin mövsümü adlandırmaq olar?
- Bu mövsüm biz istədiyimiz hər şeyə nail olduq – Avropa Liqasının qrup mərhələsinə vəsiqə qazandıq, çempion olduq, kuboka sahib çıxdıq, qızıl dubl etdik. Bütün bu uğurlarda “Neftçi”nin bütün kollektivi əlindən gələni etdi.
- Bu mövsüm biz istədiyimiz hər şeyə nail olduq – Avropa Liqasının qrup mərhələsinə vəsiqə qazandıq, çempion olduq, kuboka sahib çıxdıq, qızıl dubl etdik. Bütün bu uğurlarda “Neftçi”nin bütün kollektivi əlindən gələni etdi.
- Adətən “Neftçi” ilə “Xəzər Lənkəran” arasındakı oyunlar qolsuz tamamlanmazdı...
- Bu dəfə niyə belə alındığını bilmədim. Hərdən çox qol olur, hərdən ümumiyyətlə olmur. Hərdən bütün oyuna nəzarət etsən də, qol vura bilmirsən, və ya əksinə. İstənilən halda bu gün qalib gəldiyimiz üçün şadam.
- Əsas vaxtda niyə qol vura bilmədiniz?
- Sanki top “Xəzər Lənkəran”ın qapısına girmək istəmirdi. Biz bunun üçün çox çalışdıq. Kifayət qədər qol epizodları yaratdıq. Amma yenə də qol vurmağa nail ola bilmədik.
- Sanki top “Xəzər Lənkəran”ın qapısına girmək istəmirdi. Biz bunun üçün çox çalışdıq. Kifayət qədər qol epizodları yaratdıq. Amma yenə də qol vurmağa nail ola bilmədik.
- Rəqibin oyunu haqda nə deyə bilərsiz?
- “Xəzər Lənkəran” da zəif təsir bağışlamadı. Onlar ikinci altılıqda mübarizə aparsalar da, möhkəm və güclü komandadı.
