28 may 2013 15:38
Bolqarıstan millisinin üzvü Bakı və ya İnter yolunda (FOTO)
Futbol üzrə Bolqarıstan yığmasının yarımmüdafiəçisi Emil Qarqorov karyerasını Azərbaycanda davam etdirə bilər. Azerisport.az xəbər verir ki, bu barədə bolqar həmkarlarımız məlumat yayıblar.
Məlumatda bildirilir ki, 32 yaşlı Qarqorovla iki paytaxt klubu maraqlanır. Bu, ya “Bakı”, ya da “İnter”di. Onunla Çin və Cənubi Koreya klublarının da maraqlandığı bildirilir.
Qeyd edək ki, Qarqorovun son klubu yerli “Ludogorets” klubu olub. Buna qədər o, Sofiya “Lokomotiv”ində (66 oyun, 13 qol), Sofiya CSKA-sında (117, 50 qol), “Strasbourg”da (51 oyun, 6 qol), “Universitatea Craiova” (13 oyun, 1 qol) kimi klublarda da forma geyib.
Yığmanın heyətində 18 oyun keçirən Qarqorov iki qol vurmağa nail olub.
