29 may 2013 18:32
Tuyqun Nadirov: XL ötən gün baş verənlərin üstündən sükutla keçməyəcək
“Xəzər Lənkəran”ın vitse-prezidenti Tuyqun Nadirov ötən gün baş tutan Azərbaycan Kubokunun “Neftçi” ilə final matçından sonrakı qalmaqala münasibətini açıqlayıb. Azerisport.az saytına müsahibəsində o, öncə bunları dilə gətirib:
“Təəssüf ki, final matçında təhlükəsizlik aşağı səviyyədə təşkil olunmuşdu. Ümumiyyətlə, bu nə idi ki? Bir komandanın stadionda 50 təhlükəsizlik işçisi vardı, digərinin isə 1-2. Bizim təhlükəsizlik xidmətinin işçilərini heç stadiona buraxmadılar. Hələ bir müddət öncə PFL-dən klublara məktub göndərilmişdi ki, meydanda təhlükəsizlik xidmətinin işçiləri buraxılmamalıdı. Biz də nə qədər lazımdı, beləsini tapıb gətirə bilərik. Futbolçular arasında müəyyən narazılıqların yaşanması normal haldı. Amma buna təhlükəsizlik işçiləri də qarışırsa, bundan yaxşı heç nə gözləmək olmaz. Ötən gecə biz bunun bir daha şahidi olduq”.
“Təəssüf ki, final matçında təhlükəsizlik aşağı səviyyədə təşkil olunmuşdu. Ümumiyyətlə, bu nə idi ki? Bir komandanın stadionda 50 təhlükəsizlik işçisi vardı, digərinin isə 1-2. Bizim təhlükəsizlik xidmətinin işçilərini heç stadiona buraxmadılar. Hələ bir müddət öncə PFL-dən klublara məktub göndərilmişdi ki, meydanda təhlükəsizlik xidmətinin işçiləri buraxılmamalıdı. Biz də nə qədər lazımdı, beləsini tapıb gətirə bilərik. Futbolçular arasında müəyyən narazılıqların yaşanması normal haldı. Amma buna təhlükəsizlik işçiləri də qarışırsa, bundan yaxşı heç nə gözləmək olmaz. Ötən gecə biz bunun bir daha şahidi olduq”.
Tuyqun Nadirov bəyan edib ki, “Xəzər Lənkəran” bu məsələnin üstündən sükutla keçməyə hazırlaşmır: “Xəzər Lənkəran” bu məsələyə sakit yanaşa bilməz. Biz artıq bununla bağlı işə başlamışıq. AFFA-ya məktub göndərmişik. Biz həmçinin rəqib qapıçı Saşa Stamenkoviçin penalti seriyası zamanı davranışına görə də hesabat tələb etmişik. PFL prezidenti Ramin Musayevin yanında 50 təhlükəsizlik işçisi vardı. Bəs onda niyə meydanda elə qarışıqlıq yaranmışdı? Biz baş verənlərdən çox narazıyıq”.
