29 may 2013 18:53
Bakı İnterin hücumçusunu ələ keçirə bilər
“Bakı” “İnter”in hücumçusu Yuri Fomenkonu heyətinə qata bilər. Azerisport.az xəbər verir ki, paytaxt klubu hazırda ukraynalı hücumçu ilə danışıqlar aparır.
Qeyd edək ki, Fomenkonun “İnter”dən ayrılacağı haqda şayiələr hələ çempionat tam başa çatmamış yayılmağa başlamışdı. Lakin o, bir müddət öncə saytımıza müsahibəsində “bankirlər”in heyətində qalmaq istədiyini bildirərək yayılan xəbərləri şayiə adlandırmışdı.
“Bakı”nın Fomenkoyla ciddi maraqlanması isə vəziyyəti dəyişə bilər. Əldə etdiyimiz məlumata görə, “zolaqlılar” onunla bir illik müqavilə bağlamağı planlaşdırırlar.
