30 may 2013 01:52
Yığmamızın baş məşqçisi: Növbəti oyunda daha da yaxşı oynamalıyıq
Bakıda keçirilən III Caspian Cup beynəlxalq turnirində ilk oyununu keçirən Azərbaycan yığmasının baş məşqçisi Nikolay Adam Qırğızıstanla qarşılaşmanı şərh edib. Azerisport.az xəbər verir ki, almaniyalı mütəxəssis 7:0 hesabıyla başa çatan görüşdən sonra bunları dilə gətirib:
“Əslində bu oyunda qələbə qazanmalı idik və bunu bacardıq. Fasilədə uşaqlara tapşırdım ki, 3:0 hesabı ilə irəlidə olsaq da, hesabın 0:0 olduğunu düşünün və oynayın. Sevindirici haldır ki, futbolçularım konsentrasiyanı itirmədilər və ikinci hissədə daha dörd qol vurmağı bacardılar. Qrupdakı şansımızı yaxşılaşdırmaq üçün növbəti oyunda daha da yaxşı oynamalıyıq”.
Sonda bu qarşılaşmanın protokolunu da diqqətinizə çatdırırıq:
Azərbaycan – Qırğızıstan 7:0
III Caspian Cup beynəlxalq turniri – U-17
29 may 2013-ci il. Bayıl stadionu. Saat 20:30.
Baş hakim: Orxan Məmmədov
Baş hakimin köməkçiləri: Elxan Əsgərzadə, Akif Əmirəli
Dördüncü hakim: Yusif Nurullayev
AFFA nümayəndəsi: Əsgər Əmirəliyev
Hakim-inspektor: Novil İsmayılov
Sarı vərəqələr: B. Mustafazadə, 22, E. Zamanov, 51
Qollar: E. Həsənzadə, 13, 58, E. Cəfərov, 19, 79, R. Hüseynov, 31, F. Kərimzadə, 70, K. Benhur, 75
Qolla nəticələnməyən penalti: V. Kelm, 23
Azərbaycan: 1. Ağaseyid Qasımov (12. Şahin Tolqa, 40), 3. Elməddin Məmmədov, 7. Renat Ağaverdiyev (17. Fərid Kərimzadə, 57), 10. Elnur Cəfərov, 11. Umar Akmurzayev (9. Şahban Cəbrayilov, 72), 14. Emil Həsənzadə (19. Kama Benhur, 61), 16. Emin Zamanov, 20. Roman Hüseynov, 23. Elgün Uluxanov, 24. Yusif Nəbiyev, 27. Bəhlul Mustafazadə (k).
Ehtiyatda qalanlar: 6. Ruzigar İbrahimzadə, 18. Rəsul Babazadə, 21. Ozan Altın.
Baş məşqçi: Nikolay Adam
Qırğızıstan: 1. Kutman Kadırbekov, 4. Almaz Smatov, 9. Artur Zarılık oğlu (10. Azad Smatov, 39), 8. Nurtay Qurmantay, 2. Ağmal Bolotbayev (18. Sergey Şuşakov, 21), 15. Georgi Slavnı (3. Ağılbəy Anarbəy oğlu, 60), 17. Azad Murzaşev (k), 7. Viktor Kelm (6. Stanislav Geraşçenko, 65), 5. Canboto Irısbəy oğlu (13. Ramis Abdılbekov, 70), 11. Vadim Ni (14. Bakay Nurdinov, 70), 12. Abdurəsul Əhmədov.
Ehtiyatda qalan: 16. Boqdan Kobzev.
Baş məşqçi: Marat İsrailov
