30 may 2013 18:48
Türkiyə mətbuatı II Qəbələ Kubokundan yazdı
Türkiyənin “NTV Spor” kanalı ötən il olduğu kimi yenə də Qəbələ Kubokunu diqqət mərkəzində saxlayır. Azerisport.az xəbər verir ki, telekanalın internet saydı turnirlə bağlı xəbər yayıb.
Xəbərdə Qəbələ Futbol Akademiyasının məşqçisi Halim Fıçıcının fikirlərinə yer verilib: «Mən beş il əvvəl bura gəldim. Həmin vaxt burda futbol adına nə bir meydança, nə də baza var idi. Məqsədimiz Azərbaycan futbolunun inkişafına töhfə verməkdi».
Türkiyəni turnirdə təmsil dən «Beşiktaş»ın koordinatoru Emrah Bayraktar də II Qələbə Kuboku ilə bağlı fikirlərini bildirib: «Futbolçuların çempionatda çıxış etməsi qədər turnir təcrübəsi toplamasını da istəyirik. Xarici klublarla oynamağımız, olduğumuz yeri görməyimi üçün çox önəmli bir təcrübədi».
