31 may 2013 00:42
Simurq: Son mövsümün xronologiyası
01.08.2012 – Nenad Stoyanoviç “Simurq”da oynamış 50-ci legioner futbolçu kimi klubun tarixə düşdü.
04.08.2012 – “Simurq” 2012/13 mövsümünə “Qəbələ” ilə 1:1 hesablı heç-heçə ilə başlayır.
18.08.2012 – “Simurq” ilk dəfə olaraq “Turan”ı 3:0 hesabı ilə məğlub edir.
20.09.2012 – “Simurq” tarixində ilk dəfə olaraq “Xəzər Lənkəran”ı səfərdə məğlub edir və turnir cədvəlinin lideri olur.
04.10.2012 – “Simurq” “Sumqayıt”la görüşdə də qalib gələrək yeni rekordun müəyyənləşdirir və 8 tur ard-arda məğlub olmur. Buna qədər isə 2011/2012 mövsümün son 6 oyununda da Zaqatala təmsilçisi məğlub olmamışdı. Nəticədə sarı-qaralar 14 tur məğlubiyyətin nə olduğunu bilmir.
26.10.2012 – “Simurq” – AZAL oynunda Murad Səttarlı qarşılaşmanın əlavə olunmuş 4-cü dəqiqəsinin bitməsinə 15 saniyə qalmış möhtəşəm qola imza ataraq futbolun bir daha son saniyəyə qədər mübarizə aparılmalı idman növü olduğunu sübut etdi.
24.11.2012 – “Simurq” tarixində ilk dəfə “İnter”i minimal hesabla məğlub edir.
10.12.2012 – “Xəzər Lənkəran”la qarşılaşmada Georgi Çixradze “Simurq”un baş məşqçisi kimi premyer liqada 25-ci matçına çıxır.
16.12.2012 – “Qəbələ”–“Simurq” (0:1) görüşündə Rüstəm Məmmədov 90+3-cü dəqiqədə meydana çıxmaqla “Simurq”un tarixində ən çox forma geyinmiş futbolçu olan Ramil Sayadovun rekordunu təzələyir. Bu mövsüm 5 görüşdə meydana çıxan Rüstəm Məmmədov Sayadovla birlikdə Premyer Liqada 86 oyunda “sarı-qara”lıların uğurları üçün mübarizə aparıb.
20.12.2012 - İlin son oynunda “Simurq” “Rəvan”a 1:0 hesabı ilə doğma arenada qalib gəldi və fasiləyə ikinci yerdə yollandı. Ancaq bu matçın nəticəsi rəqibin legioner limitini pozduğuna görə ləğv edildi. Zdravko Popoviç komandasının Premyer Liqada 191-ci qoluna imza atdı.
20.04.2013 – “Simurq” tarixində antirekorda imza atır. Topaz Premyer Liqasının XXVII turunda Zaqatala təmsilçisi səfərdə “İnter”ə 5:0 hesabı ilə uduzmaqla 8 illik tarixində ilk dəfə 5 top fərqiylə məğlub olub.
28.04.2013 – “Simurq” Topaz Premyer Liqasının XXVIII turunda səfərdə “Bakı”nın qonağı olub. Bu matçda Zaqatala təmsilçisi Premyer Liqada 200-cu rəsmi görüşünə çıxıb. “Sarı-qara”ların 2:1 hesabı ilə məğlub olduğu görüşdə Marçin Burxardtın vurduğu qol “Simurq”un Premyer Liqada 200-cü qolu kimi tarixə düşüb.
30.04.2013 – AFFA-nın İntizam Komitəsi XXVIII turda oyundan sonra baş verən hadisələrə görə “Simurq”un baş məşqçisi Georgi Çixradze 10 oyunluq cəzalandırır. Bu klubun tarixində baş məşqçinin aldığı ən ağır cəza olur.
18.05.2013 – “Simurq”un əvəzedici heyəti səfərdə “Qarabağ”la qarşılaşır. Bu görüşdə Rövşən Babayevin yetirmələri məğlub olmağa baxmayaraq klubun tarixində bir ilkə imza atırlar. Komanda 59 xallar əvəzedici heyətlərin ölkə birinciliyini gümüş mükafatlarla tamamlayırlar.
19.05.2013 – “Qarabağ” - “Simurq” (0:0) matçında Rasim Ramaldanov cari mövsümdə 24-cü görüşünə çıxmaqla Zaqatala təmsilçisinin tarixinə düşüb. Bu görüş kapitanın “Simurq”da keçirdiyi 87-ci oyun olub. Rasim bununlada komandanın tarixində ən çox forma geyinmiş futbolçu ünvanını Ramil Sayadovdan və Rüstəm Məmmədovdan təhvil alır.
19.05.2013 – “Simurq” Topaz Premyer Liqasının son turunda “Qarabağ”la qolsuz heç-heçə edir və 2012/13 mövsümünü 48 xalla dördüncü pillədə tamamlayır. Bu Zaqatala təmsilçisinin tarixində Premyer Liqada qazandığı ikinci ən yaxşı nəticə olur. Ancaq təəssüf ki, Avrokuboklara vəsiqə qazana bilmir. Bunqan qabaq isə “Simurq” 2008/09 mövsümündə bürünc medallara sahib çıxmışdı.
