30 may 2013 22:05
Finalçılar bəlli oldu, Bakı Qəbələyə qalib gəldi (YENİLƏNİB)
Bu gün 15 yaşa qədər futbolçulardan ibarət komandalar arasında II Qəbələ Kubokunda pley-off mərhələsinin oyunları keçirilib. Azerisport.az xəbər verir ki, turnirdə “Qəbələ” və “Bakı” ilə yanaşı “Beşiktaş” (Türkiyə), “Barcelona” (İspaniya), “Şaxtyor” (Ukrayna), “Porto” (Portuqaliya), “Zenit” (Rusiya) və “Feyenoord” (Hollandiya) mübarizə aparır.
Öz qrupunun qalibi olan “Barcelona” yarımfinalda B qrupunun ikincisi “Porto” ilə üz-üzə gəlib. Portuqaliya təmsilçisi qələbə qazanaraq, finala yüksəlib. Digər qrupun birincisi “Feyenoord” isə müvafiq olaraq “Şaxtyor”la qarşılaşıb. Penaltilərlə qalib gələn Hollandiya təmsilçisi "Porto" ilə finalda oynamaq şansı qazanıb. "Şaxtyor"la "Barcelona" isə üçüncü yer uğrunda mübarizə apacaq.
Digər oyunlar isə 5-8-ci yerlərin sahiblərinin müəyyənləşdirilməsi baxımından önəm kəsb edib. Təmsilçilərimiz bu mərhələdə bir-biri ilə qarşılaşmalı olub. "Bakı" qrup sonuncusu olduğuna görə, A qrupunun üçüncüsü “Qəbələ” ilə mübarizə aparmalı olub. Görüşdə qalibi penaltilər müəyyənləşdirib ki, daha şanslı olan "Bakı" 5-6-cı yerlər uğrunda mübarizə aparmaq şansı qazanıb. Daha bir oyun isə “Beşiktaş”la “Zenit” arasında baş tutub. "Beşiktaş" qalib gələrək "Bakı"ya rəqib olub. "Qəbələ" isə sonuncu olmamaq üçün "Zenit"lə mübarizə aparacaq.
II Qəbələ Kuboku
30 may
Yarımfinal
Barcelona – Porto - 0:2
Feyenoord – Şaxtyor - 1:1 (penaltilərlə - 5:4)
5-8-ci yerlər uğrunda oyunlar
Qəbələ - Bakı - 0:0 (penaltilərlə 3:5)
Beşiktaş – Zenit - 3:1
