31 may 2013 12:28
Barcelonanın baş məşqçisi: Burda gördüklərim məni müsbət mənada təəccübləndirdi (VİDEO)
II Qəbələ kuboku turnirinin yarımfinal görüşü - “Porto” – “Barcelona” oyunundan sonra İspaniya təmsilçisinin baş məşqçisi Fransesk Artiqa brifinq keçirib. Azerisport.az xəbər verir ki, kataloniyalı çalışdırıcı ilk öncə oyun haqda danışıb:
“Deyə bilərəm ki, oyunun birinci hissəsi keçirdiyimiz digər oyunlar arasında ən yaxşı çıxış etdiyimi ilk yarı idi. Linin bir-iki qol epizodu vardı ki, ondan yararlana bilmədi. Oyunun demək olar ki, nəzarəti bizim əlimizdə idi. İkinci hissə eyni şəkildə başladı. Amma müdafiədə etdiyimiz səhvə görə ilk qolu buraxdıq. Hesabda geri düşdükdən sonra bizim üçün çətin oldu. İstədiyimiz kimi oyun da alınmadı. Bundan sonra etdiyimiz dəyişikliklər də öz bəhrəsini vermədi. Futbolda sonacan mübarizə aparmaq lazımdır. Rəqibimizi də təbrik edirəm. Çünki biz əlimizə düşən şanslardan yararlana bilsək də, onlar bundan istifadə edə bildi”.
Turnirin gedişinə toxunan Artiqa təşkilatçılığın yüksək səviyyədə olduğunu söyləyib: “Məni burda gördüklərim müsbət mənada təəccübləndirdi. İştirakçı komandaların səviyyəsi çox yüksəkdir. Deyə bilərəm ki, turnirin təşkilatçılığı çox gözəldir. Hakimlərin səviyyəsini də bəyənirəm. Heç bir oyunda hakimliyin səhvi rol oynamayıb”.
