31 may 2013 15:14
Naninin qohumu Azərbaycan klubuna keçə bilər
Kabo Verde yığmasının müdafiəçisi Karlitos karyerasını Azərbaycanda davam etdirə bilər. Azerisport.az xəbər verir ki, tam atı Karlos Emanuel Soares Tavares olan futbolçunun son klubu Kipr “AEL Limassol”u olub.
Onunla Portuqaliyanın “Estoril” klubu da yaxından maraqlanır. Amma Portuqaliya mətbuatının məlumatına görə, Azərbaycanın da bir klubu bu futbolçunu heyətinə qatmaq istəyir. Hazırda azad agent olan futbolçunun hansı təklifi müsbət cavablandıracağı bilinmir.
Qeyd edək ki, 28 yaşlı Karlitos karyerası ərzində “Amora”, “Barreirense”, “Odivelas”, “Imortal”, “Portimonense”, “Chaves”, “Camacha” və “Atletico”da da çıxış edib.
Sonda bu futbolçunun Portuqaliya yığmasının və İngiltərənin “Manchester United” klubunun ünlü üzvü Nani ilə yaxın qohum olduğunu da qeyd edək.
