31 may 2013 16:46
Xəzər Lənkəran rəhbərliyi Babək Quliyevin istefasını qəbul etdi
“Xəzər Lənkəran”ın idman direktoru Babək Quliyevin istefa ərizəsi ilə rəhbərliyə müraciət etdiyini xəbər vermişdik. Azerisport.az xəbər verir ki, ötən gün klubun mətbuat xidmətindən aldığımız məlumatda rəhbərliyin onun istefasını qəbul etmədiyi, Quliyevin komandada qalacağı bildirilirdi.
Lakin əldə etdiyimiz son məlumata görə, Babək Quliyev klubdan getməkdə israrını sürdürüb. Belədə “Xəzər Lənkəran” rəhbərliyi onu buraxmaq məcburiyyətində qalıb.
Qeyd edək ki, keçmiş FİFA referisi olan Babək Quliyev bu klubda fevral ayından etibarən çalışırdı. Amma onun belə erkən gedişinin səbəbləri bilinmir.
