31 may 2013 17:54
Böyükağa Hacıyev Neftçi ilə yeni müqavilə imzaladı
Azərbaycan çempionu “Neftçi” baş məşqçisi Böyükağa Hacıyevi komandada saxlamağa qərar verib. Azerisport.az xəbər verir ki, klub rəhbərliyi çalışdırıcı ilə yeni müqavilə imzalayıb.
Təcrübəli mütəxəssis ən azı növbəti mövsümün sonunadək komandada qalacaq. Tərəflər müqavilənin müddətini məhz bir illik artırmağa qərar veriblər.
Qeyd edək ki, “Neftçi” Hacıyevin rəhbərliyi altında iki dəfə Azərbaycan çempionu olub, bir dəfə ölkə kubokunu qazanıb, eləcə də Avropa Liqasının qrup mərhələsinə çıxıb.
