1 iyun 2013 15:07
Ruslan Abışov: Kapitanlığı Rəşad Sadıqova təhvil vermək istəsəm də, o, etiraz etdi
Futbol üzrə Azərbaycan yığmasının və Rusiyanın “Rubin” klubunun müdafiəçisi Ruslan Abışovun azerisport.az saytına müsahibəsi
- Öncə Qətərlə yoldaşlıq oyunundan danışmağınızı istərdik. Qarşılaşma necə keçdi?
- İkinci hissədə ilk yarıya nisbətən daha yaxşı çıxış etdik. Birinci hissədə xeyli səhvlərə yol verdik. Bu da oyunumuza təsirsiz ötüşmədi. Dohada hava çox isti idi. Bu da komandamızın üzvlərinə təsir etməyə bilməzdi. Axı elə isti havada oynamağa o qədər də alışmamışıq. Buna baxmayaraq, ikinci yarıda hesabı bərabərləşdirə bildik. Məncə, oyunun nəticəsi ədalətli oldu.
- Maraqlıdı ki, siz Rəşad Sadıqovun meydana çıxmasından sonra da kapitan sarğısını daşımağa davam etdiniz...
- Bəli, o, meydana ikinci hissədə çıxdı. Komandanı isə meydana mən çıxarmışdım. Rəşad meydana daxil olanda ona yaxınlaşıb kapitanlıq sarğısını ona vermək istədim. Amma o, bildirdi ki, bu, düzgün deyil.
- Lüksemburqla seçmə mərhələ oyunundan nə gözləyirsiz?
- Çoxları bu komandanı zəif hesab edirlər. Amma Lüksemburq yığması futbol oynamağı bacarır. Biz bunu səfər matçında da gördük. Aydın məsələdi ki, onlar Bakıya məğlub olmaq üçün gəlmirlər. Çox istərdim ki, stadionda anşlaq olsun. Bu, komandamızda özünəinamı daha da artıra bilər. Mənə gəlincə, bu oyundan ancaq qələbə gözləyirəm. Bizim üçün istənilən başqa hesab qənaətbəxş sayılmayacaq.
- Çoxları bu komandanı zəif hesab edirlər. Amma Lüksemburq yığması futbol oynamağı bacarır. Biz bunu səfər matçında da gördük. Aydın məsələdi ki, onlar Bakıya məğlub olmaq üçün gəlmirlər. Çox istərdim ki, stadionda anşlaq olsun. Bu, komandamızda özünəinamı daha da artıra bilər. Mənə gəlincə, bu oyundan ancaq qələbə gözləyirəm. Bizim üçün istənilən başqa hesab qənaətbəxş sayılmayacaq.
- Azarkeşlər də komandamızdan ancaq qələbə gözləyirlər...
- Fanatların bizdən nəticə tələb etməyə haqqı var. Biz də çalışacağıq ki, bu oyundan mütləq 3 xalla ayrılaq.
- Artıq bir neçə aydı Kazanda yaşayırsız. Alışmısız?
- Bəli, mənim üçün orda çox rahatdı. Öz mənzilim, maşınım var. Yeni mövsümdən ailəm də mənim yanımda olacaq, onda işim daha da asanlaşacaq. Kazan gözəl şəhərdi, zəngin tarixi var.
- Bəli, mənim üçün orda çox rahatdı. Öz mənzilim, maşınım var. Yeni mövsümdən ailəm də mənim yanımda olacaq, onda işim daha da asanlaşacaq. Kazan gözəl şəhərdi, zəngin tarixi var.
- Geridə qalan mövsümdə “Rubin” sizin xidmətinizə o qədər də ehtiyac duymadı. Yeni mövsümdə necə olacaq?
- İlk aylarım uyğunlaşmaya getdi. Həm də komandanın oturuşmuş heyəti vardı. Bu üzdən baş məşqçi Kurban Berdıyev onu dəyişməyə ehtiyac duymurdu. Əsas heyətdə oynamaq üçün öz üzərimdə daha çox çalışmalıyam. “Rubin”dəki karyeram hələ yenicə başlayır.
- İlk aylarım uyğunlaşmaya getdi. Həm də komandanın oturuşmuş heyəti vardı. Bu üzdən baş məşqçi Kurban Berdıyev onu dəyişməyə ehtiyac duymurdu. Əsas heyətdə oynamaq üçün öz üzərimdə daha çox çalışmalıyam. “Rubin”dəki karyeram hələ yenicə başlayır.
- “Rubin”in Avropa Liqasında hədəfi nə olacaq?
- Mümkün qədər irəli getmək. İnanıram ki, azarkeşlərimizi sevindirə biləcəyik. “Rubin”in azarkeşləri sadəcə fantastikdilər.
- Mümkün qədər irəli getmək. İnanıram ki, azarkeşlərimizi sevindirə biləcəyik. “Rubin”in azarkeşləri sadəcə fantastikdilər.
- Təsadüfən sizdən Yuri Syominin “Qəbələ”yə baş məşqçi təyin olunması barədə nəsə soruşmurlar?
- Təkcə Syomin barədə soruşmurlar. Con Toşakın gəlişiylə də çox maraqlandılar. Belə mütəxəssislərin ölkəmizə gəlməsinə yaxşı mənada təəccüblənməkdədilər. Mənsə dedim ki, hələ 2-3 ildən sonra siz daha ciddi dəyişikliklərin şahidi olacaqsız. Əks halda Syomin, Toşak kimi mütəxəssislər boşuna bura gəlməzdilər.
- Təkcə Syomin barədə soruşmurlar. Con Toşakın gəlişiylə də çox maraqlandılar. Belə mütəxəssislərin ölkəmizə gəlməsinə yaxşı mənada təəccüblənməkdədilər. Mənsə dedim ki, hələ 2-3 ildən sonra siz daha ciddi dəyişikliklərin şahidi olacaqsız. Əks halda Syomin, Toşak kimi mütəxəssislər boşuna bura gəlməzdilər.
