2 iyun 2013 02:41
Bayern Almaniya Kubokunu da qazandı
Futbol üzrə Almaniya Kubokunun final oyunu keçirilib. Azerisport.az xəbər verir ki, həlledici oyunda “Bayern” və “Stuttgart” klubları qarşılaşıblar.
Görüş kifayət qədər gərgin və maraqlı idman mübarizəsi şəraitində keçib. Beş qolun vurulduğu matçın qalibi “Bayern” olub.
Nəticədə, bu komanda tarixində 16-cı dəfə Almaniya Kubokuna sahib çıxıb. Bundan öncə münhenlilər 1957, 1966, 1967, 1969, 1971, 1982, 1984, 1986, 1998, 2000, 2003, 2005, 2006, 2008 və 2010 -cu illərdə də baş mükafata sahib çıxmışdılar.
Maraq üçün bildirək ki, “Bayern” bu mövsüm həm də Almaniya Bundesliqasının və UEFA Çempionlar Liqasının qalibi olub.
Almaniya Kuboku
Final
Bayern – Stuttgart – 3:2
Qollar: Müller, 37-pen, Qomes, 48; 61 – Harnik, 71; 80.
