3 iyun 2013 12:05
“Azərbaycan və ABŞ güclü komandalardı”
Bakıda təşkil olunan III Caspian Cup beynəlxalq turniri çərçivəsində keçirilmiş Qırğızıstan – Qazaxıstan matçından (1:0) sonra hər iki komandanın baş məşqçisi fikirlərini açıqlayıb. Azerisport.az xəbər verir ki, çalışdırıcılar bunları dilə gətiriblər:
Marat İsrailov (Qırğızıstan yığmasının baş məşqçisi): “Bu, Caspian Cup turnirində Qırğızıstan yığmasının ilk qələbəsi idi. Azərbaycan və ABŞ güclü komandalardı. "Ölüm qrupu"nda bizə çox çətin oldu. Biz ilk dəfədir ki, turnirdə iştirak edirik. Futbolçularımda qələbə ruhu var, amma təcrübə çatışmır”.
Sergey Polenov (Qazaxıstan yığmasının baş məşqçisi): “Rəqibi təbrik edirəm. Bərabər oyun oldu. Demək olar ki, təhlükəli vəziyyət yaradılmadı. Onlar bizim səhvimizdən istifadə etdilər. Qrup mərhələsi ilə müqayisədə oyunumuzda artım var”.
