3 iyun 2013 14:34
Simurq daha iki futbolçu ilə rəsmi müqavilə bağladı (FOTO)
2012/13-cü il mövsümünün bitməsindən sonra "Simurq" yeni futbolçularla güclənmdək davam edir. Zaqatala təmsilçisi artıq daha iki futbolçunun transferini rəsmiləşdirib.
"Sarı-qaralar" Rövşən Əmiraslanovla iki illik müqavilə imzalayıb. 27 yaşlı yarımmüdafiəçi Zaqatala təmsilçisinin heyətində 9 nömrəli forma ilə mübarizə aparacaq.
Qeyd edək ki, Rövşən Əmiraslanovun son klubu "Qəbələ" olub. Bundan qabaq isə MOİK, "Masallı" və "İnter"də karyerasın davam etdirib.
Zaqatala klubu eyni zamanda Tural Axundovla da rəsmi müqavilə bağlayıb. Gənc futbolçu növbəti iki mövsümü Zaqatala təmsilçisinin heyətində mübarizə aparacaq. 25 yaşlı müdafiəçi "Simurq"un heyətində 18 nömrəli forma geyinəcək.
Qeyd edək ki, Tural Axundovun son klubu paytaxtın "Rəvan" klubu olub.
