4 iyun 2013 20:12
“12 komanda arasında 6-cı olmaq bizim üçün qənaətbəxş nəticədi”
Bakıda təşkil olunan III Caspian Cup beynəlxalq turniri çərçivəsində keçirilmiş ABŞ – Özbəkistan matçından (5:2) sonra hər iki komandanın baş məşqçisi fikirlərini açıqlayıb. Azerisport.az xəbər verir ki, çalışdırıcılar bunları dilə gətiriblər:
Cim Runi (ABŞ yığmasının baş məşqçisi): "Bizim üçün əsas olan bu turnirdə oyun keyfiyyətimizi yaxşılaşdırmaq idi ki, bu mənada istəklərimizi həyata keçirə bildik. Futbolçularım Azərbaycanda fərqli oyun nümayiş etdirən komandalarla oynadılar və bu onlar üçün yaxşı təcrübə oldu. Təbii ki, daha yüksək yerdə qərarlaşsaydıq, lap yaxşı olardı, amma bizim üçün nəticə o qədər də önəm kəsb etmirdi".
Timur Alimhodjayev (Özbəkistan yığmasının baş məşqçisi): "İlk növbədə bizi buraya dəvət etdikləri üçün AFFA rəhbərliyinə təşəkkür edirəm. Buradakı şərait, təşkilatçılıq əla idi. Dəvət olarsa, qarşıdakı illərdə də böyük məmnuniyyətlə “Caspian Cup” turnirində iştirak edərik. Komandamız 16 yaşadək futbolçulardan təşkil olunub və bu yarış onlar üçün böyük təcrübə oldu. 12 komanda arasında 6-cı olmağımız bizim üçün qənaətbəxş nəticədir".
