5 iyun 2013 13:44
“Azərbaycana gəlmək üçün böyük məsafə qət etmişdik və finalda oynamağı arzulayırdıq”
Bakıda təşkil olunan III Caspian Cup beynəlxalq turniri çərçivəsində keçirilmiş Uruqvay – Bolqarıstan matçından (3:2) sonra Uruqvay millisinin baş məşqçisi fikirlərini açıqlayıb. Azerisport.az xəbər verir ki, Alexandro Qaray bunları dilə gətirib:
"Təbii ki, qələbə qazandığımız üçün sevinirik. Rəqibimiz heç də zəif deyildi, amma biz öz üslubumuzda çıxış edib qələbə qazandıq. Özbəkistan yığmasına penalti seriyasında məğlub olaraq yalnız 7-ci yer uğrunda mübarizə aparmalı olduğumuz üçün təəssüflənirik. Bu turnirdə iştirak etmək üçün böyük məsafə qət etmişdik və finalda oynamağı arzulayırdıq. Amma nə etmək olar?! Bu, futboldur və hər cür nəticəyə hazır olmalısan. Müxtəlif qitələrin komandaları ilə oyunlarda faydalı təcrübə topladıq. Növbəti Caspian Cup-da daha yaxşı nəticə göstərməyə çalışacağıq".
