6 iyun 2013 19:34
İsrafilov İspaniya klubu ilə yollarını ayıra bilər
Futbol üzrə Azərbaycan yığmasına dəvət alsa da, klubunun vacib oyunları olduğuna görə Bakıya gəlməsini təxirə salan Eddi İsrafilov “Murcia”dan ayrıla bilər. Azerisport.az xəbər verir ki, buna sözügedən klubun millimizin potensial üzvü ilə yeni müqavilə bağlamaq istəməməsidi.
Heç hazırda da İsrafilovun şərəfini qoruduğu klubla peşəkar müqaviləsi yoxdu. İspaniya klubu ona yeni müqavilə bağlayacağına dair söz versə də, buna əməl etmir.
Çünki klub hazırda ən çətin günlərini yaşayır. Komandanın üzvləri dörd aydı ki, maaş almırlar. “Murcia” özü isə İspaniyanın gücünə görə üçüncü liqası olan Sequndanı tərk etmək üzrədi. Belədə, klub təkcə İsrafilovla yox, daha bir neçə futbolçusu ilə yollarını ayırmalı olacaq. Əgər “Murcia” Eddi ilə müqavilə bağlamasa, iyunun 30-da futbolçu azad agent statusu almış olacaq. Onun gələcək karyerasının necə olacağı isə hələlik sual altındadı.
Qeyd edək ki, İspaniya mətbuatı artıq İsrafilovla bəzi klubların maraqlandığını da iddia edib. İspan həmkarlarımızın yazdığına görə, Azərbaycanın altı (!) klubu bu futbolçunu heyətində görmək istəyir. Eyni zamanda iki Rusiya klubu da onu almaqda maraqlıdı.
