6 iyun 2013 11:05
Vaqif Cavadov Qarabağı İnterə dəyişdi
Futbol üzrə Azərbaycan yığmasının hücumçusu Vaqif Cavadov “Qarabağ”la yollarını yenidən ayırıb. Azerisport.az xəbər verir ki, millimizin forvardı Ağdam təmsilçisini yenə də paytaxt klubuna dəyişib.
24 yaşlı futbolçunun “Qarabağ”la müqaviləsi olsa da, tərəflər qarşılıqlı razılıq əsasında yollarını ayırıblar. Belədə, azad agent statusu alan Cavadov “İnter”lə müqavilə bağlayıb. Hansı ki, o, karyerası ərzində bu komandada oynamayıb. Vaqif “bankirlər”in hücum xəttini gücləndirməlidi. “Qarabağ” kimi, “İnter” də ölkəmizi Avropa Liqasında təmsil edəcəyindən, Cavadovun bu keçidlə elə də ciddi nəsə itirdiyini demək olmaz. O, yeni komandasına milli komandamızın Lüksemburqla oyunundan sonra qoşulacaq.
Qeyd edək ki, Cavadov vaxtilə “Qarabağ”ı Hollandiya “Twente”sinə dəyişdikdən sonra orda çox qala bilmədi və “Bakı”ya qayıtdı. Amma onun bu komanda da işləri qaydasında getmədi. Ardından bir müddət “Volqa”da (Rusiya) oynayan yığmamızın forvardı sonda yenidən “Qarabağ”a döndü. Lakin geridə qalan mövsümdə o, heç də əvvəlki günlərini xatırlada bilmədiyi üçün Ağdam klubundan da uzaqlaşaq məcburiyyətində qaldı.
