6 iyun 2013 11:16
Lüksemburq millisi Bakının bazasında hazırlaşır
Xəbər verdiyimiz kimi, DÇ-2014-ün seçmə mərhələsi çərçivəsində Azərbaycan yğıma komandasının qonağı olacaq Lüksemburq millisi artıq Bakıdadı. Azerisport.az xəbər verir ki, ötən gün komandamızın rəqibi "Bakı" futbol klubunun təlim-məşq bazasının stadionunda məşq edib.
Birinci məşq səhər saat 11:00-da, digəri isə axşam saat 19:00-da keçirilib. Qeyd edək ki, hər iki məşq mətbuat nümayəndələri üçün bağlı olub.
Lüksemburq yığması ölkəmizə aşağıdakı heyəti ilə gəlib:
Qapıçılar: Jonatan Juber (F91 Dudelanj), Mark Obervays (Jeness);
Müdafiəçilər: Ante Bukviç (Differdanj 03), Maksim Şano (“Beersxot”, Belçika), Erik Hoffmann (Jeness), Massimo Martino (F91 Dudelanj), Tom Latertsa (Fola), Kris Filipps (“Mets”in U-19 komandası, Fransa);
Yarımmüdafiəçilər: Loran Yans (Fola), Lars Qerson (“Norrçöpinq”, İsveç), Mario Mutş (“Sankt-Qallen”, İsveçrə), Ben Payal (F91 Dudelanj), Rene Peters (Hamm Benfika);
Hücumçular: Daniel Da Mota (F91 Dudelanj), Stefano Bensi (Fola), Moris Devil (“Elversberq”, Almaniya), Orelyen Yoaxim (“Villem II”, Hollandiya), Antonio Luis (Rasinq), David Turpel (Etsella).
Xatırladaq ki, Azərbaycan və Lüksemburq milli komandalarının oyunu iyunun 7-də "Bakcell Arena"da baş tutacaq və 21:00-da start götürəcək.
