7 iyun 2013 12:25
Yensen de, yenilsen de verilişinin Qəbələ buraxılışı (VİDEO)
Xəbər verdiyimiz kimi, Türkiyənin ən reytinqli televiziya kanallarından olan və II Qəbələ Kubokunu işıqlandıran “NTV Spor” “Yensen de, yenilsen de” verilişinin ötən həftəki bölümünü turnirə və “Qəbələ” İdman Klubuna həsr etmişdi. Azerisport.az xəbər verir ki, "Qəbələ” İdman Klubunun prezidenti Tale Heydərovla müsahibənin yer aldığı yüksək reytinqə malik verilişin qonaqları prezidentin müşaviri, əfsanəvi futbolçu Toni Adams, “Qəbələ” Futbol Akademiyasının keçmiş direktoru Ali Yavaş, yeni direktor Stenli Brard, akademiyanın baş məşqçisi Halim Fıçıcı, Hollandiya futbolunun tanınmış simalarından olan və “Feyenoord”un U-15 komandasına rəhbərlik edən Roy Makaay və “Beşiktaş”ın aşağı yaş qrupları üzrə koordinatoru Emrah Bayraktar olmuşdu.
Tanınmış aparıcılar Bağış Erten və Banu Yelkovanın verilişində həmçinin “Qəbələ”, “Feyenoord”, “Beşiktaş” və “Şaxtyor”u təmsil edən futbolçular da iştirak etmişdilər. Sözügedən verilişin videoyazısını diqqətinizə çatdırırıq.
