7 iyun 2013 13:02
Rumıniyalı futbolçu İnterdə nə qədər qazanacaq?
Rumıniyanın “Rapid” klubunun müdafiəçisi Kristian Oroşun “İnter”ə keçdiyini xəbər vermişdik. Azerisport.az xəbər verir ki, artıq bu futbolçunun Azərbaycan klubunda nə qədər qazanacağı da müəyyənləşib.
Rumıniya mətbuatının iddiasına görə, 28 yaşlı futbolçu “İnter”də 300 000 dollar qazanacaq. Tərəflərin bir illik müqavilə imzaladığını da qeyd edək.
Qeyd edək ki, Oroş 2001–2005-ci illər aralığında “Olimpia”da, 2005–2006 mövsümündə isə “Bihor”da çıxış edib. 2006-cı ildə keçdiyi “Braşov”dan isə 2011-ci ildə ayrılıb. Bu müdafiəçi Rumıniya millisində də bir oyun keçirib.
