7 iyun 2013 16:33
Vüqar Nadirov: Futbolçularımız Lüksemburqa qarşı necə oynamaq lazım olduğunu bilirlər
Futbol üzrə Azərbaycan yığmasının hücumçusu Vüqar Nadirov DÇ-2014-ün seçmə mərhələsi çərçivəsində keçiriləcək Lüksemburqla oyun öncəsi fikirlərini açıqlayıb. Azerisport.az saytına müsahibəsində yığmamızın üzvü bunları söyləyib:
“Çox təəssüf ki, bu oyunda meydana çıxa bilməyəcəm. Belə vacib görüşdə komandamıza kömək etməyi çox istərdim. Mənə elə gəlir ki, uşaqlar bu komandaya qarşı necə oynamaq lazım olduğunu yaxşı bilirlər. Sadəcə, bir qədər bəxtimizin gətirməsi də lazımdı. Bizim rəqiblərimizi zəif və ya güclülərə ayırmağımız düzgün deyil. Çünki Lüksemburq da futbol oynamağı bacarır. Əminəm ki, onlar da Bakıdan xalla qayıtmağı düşünürlər. Bizim əsas hədəfimiz isə onların bu arzularını gözlərində qoymaqdı”.
