8 iyun 2013 19:54
İnterin oyunçusunun bir böyrəyi çıxarıldı
Məlum olduğu kimi, əvəzedici heyətlər arasında keçirilən Azərbaycan Çempionatı çərşivəsində baş tutan “İnter” - “Simurq” matçında paytaxt klubunun gənc yarımmüdafiəçisi Fuad Bayramov ağır zədə almışdı. Azerisport.az xəbər verir ki, hadisədən sonra futbolçunun böyrəyinin biri çıxarılmışdı.
İyunun 2-də Fuad Bayramov da “İnter”in heyətində Türkiyəyə təlim-məşq toplanışına yollanıb. Gənc yarımmüdafiəçi hələlik məşqlərdə iştirak etmir, yalnız yüngül qaçışlarla kifayətlənir.
Кomandanın həkilməli İqor Qorobets və Səhhət Rüstəmzadə oyunçunun vəziyyəti haqqında məlumat veriblər. Onlar klub saytına açıqlamalarında Bayramovun bərpa prosesinin gedişi barədə danışıblar və onun məqşlərə nə zaman başalayacağını bildiriblər.
Həkimlərin sözlərinə görə, futbolçuya 3 ay məşq etmək olmaz. İkinci böyrəyin yeni yükləmələrə uyğunlaşması lazımdı. Yəni ikinci böyrək çıxarılmış böyrəyin funksiyalarını üzərinə götürməlidi. 3 ay ərzində futbolçuya müəyyən tapşırıqlar veriləcək və bu yükləmələr hər ay 30 faiz artacaq. Yəni zədədən 4 ay sonra Fuad Bayramova ümumi yükləmənin 30 faizi qədər məşğələlər veriləcək, növbəti ay bu rəqəm 60 faizədək artacaq və altıncı ayda futbolçu 90 faizlik yükləməyə yaxınlaşacaq. Sonra həkimlər orqanizmin bu yükləmələri qəbul etməsinə nəzarət edəcəklər. Altıncı ayda oyunçunun səhhətində hər şey normal olarsa, o zaman o, ümumi qrupla məşq etməyə başlayacaq. Hər şey analizin nəticələrindən və orqanizmin vəziyyətindən asılı olacaq. Proses həkimlərin planlaşdırdığı normal axarda davam edərsə, o zaman Fuad Bayramov böyrəyi çıxarılandan 6 ay sonra komandayla birlikdə məşqlərə qatılacaq. Onun əzələlərinin 3-6 ay arası dövrdə tonusda olması vacibdir, çünki yükləmələrin sərt olmaması əhəmiyyət kəsb edir. Böyrək orqanizmdə çox mühüm funksiyanı yerinə yetirir və buna görə də, F.Bayramovun vəziyyətini diqqətlə izləmək lazımdı.
Qeyd edək ki, futbolda karyerasını başa vurmuş və hələ də meydançalara çıxmaqda davam edən bir çox böyrəyi çıxarılan futbolçu var. Belə ki, 2010-cu ildə böyrəyi çıxarılmış fransalı futbolçu Fabyen Lemuan indi də futbol oynayır. Bundan başqa, Moskvanın MOİK və “Kuban” klubunun yarımmüdafiəçisi Valeri Minkonu da qeyd etmək olar. Bu futbolçu 1993-cü ildə böyrəyinin birini itirmişdi və peşəkar karyerasını keçirdiyi cərrahi əməliyyatdan 9 il sonra başa vurmuşdu.
