10 iyun 2013 18:56
“Milliyə də qayıda bilərəm”
"Rəvan”ın yeni transferi Bəxtiyar Soltanov yeni klubuna keçidindən danşıb. Azerisport.az xəbər verir ki, iyunun 21-də 24 yaşı tamam olacaq Soltanov imzalama mərasimindən sonra klubun rəsmi saytına bunları söyləyib:
"Rəvan”ı seçməyimə bir neçə amil təsir etdi. Mən paytaxtda olmaq istəyirdim və "aslanlar” Bakı komandasıdı. Üstəlik, baş məşqçi Ramil Əliyevlə danışdıqdan sonra gördüm ki, mənim üçün elə ən yaxşı variant "Rəvan”dı. İnşallah əməkdaşlığımız uğurlu alınar. Növbəti mövsüm ən yüksək yerlər uğrunda oynamalıyıq. Çempionatda ümidləri doğrultmalıyıq. Yenidən öz oyunumu sərgiləyə bilsəm, milliyə də qayıda bilərəm. Hər halda, hər şey özümdən asılıdı. Oynayıb özümü göstərə bilsəm, yəqin milliyə də dəvət alaram”.
