13 iyun 2013 00:11
Sumqayıt Bernard Raabı yola salıb, yeni baş məşqçisinin adını açıqladı
“Sumqayıt” Futbol Klubunu 2013/14 mövsümündə Aqil Məmmədov çalışdıracaq. Azerisport.az xəbər verir ki, klubdaxili iclasdan sonra 41 yaşlı çalışdırıcı ilə birillik müqavilə imzalanıb.
Qeyd edək ki, Aqil Məmmədov 2011/12 mövsümündə “Sumqayıt”da futbolçu kimi çıxış edib. Azərbaycan millisinin sabiq yarımmüdafiəçisi 2012-ci ilin yanvarında karyerasını rəsmən bitirib və əvəzedici komandaya köməkçi məşqçi təyin olunub. Sumqayıt şəhərində anadan olan və Sumqayıt futbol məktəbinin yetirməsi olan Məmmədov 2012/13 mövsümündə isə əsas komandada Bernard Raabın köməkçisi olub.
