12 iyun 2013 12:44
Kazbek Tuayev: Foqtsun millimizdə götürdüyü kursu bəyənirəm
Veteran futbolçu və məşqçi, AFFA İcraiyyə Komitəsinin üzvü Kazbek Tuayevin azerisport.az saytına müsahibəsi
- Azərbaycan millisi DÇ-2014-ün seçmə mərhələsi çərçivəsində növbəti oyununu keçirdi. Amma Bakıdakı görüşdə Lüksemburqa qalib gələ bilmədi. Bunu necə qarşıladınız?
- Öncə mətbuatla bağlı fikrimi bildirmək istəyirəm. Jurnalistlər bu oyundan sonra elə səs-küy qaldırdılar, şou yaratdılar ki, sanki yığmamız bu rəqibini məğlub etməyə borclu idi. Sual verərlər ki, biz bu komandanı nəyin sayəsində məğlub etməliydik? Yəni biz onlardan bu dərəcədə güclüydük? Yoxsa Azərbaycan yığması DÇ-2014-ün seçmə mərhələsinə vəsiqə qazanmağa çalışır? Mənim fikrimcə, komanda bu görüşdə normal oyun sərgilədi. Oyunun taktikası da düzgün seçilmişdi. Sadəcə, ifaçılar işlərinin öhdəsindən lazımınca gələ bilmədilər. Vaqif Cavadovla Araz Abdullayevdən başqa oynayan yox idi. Vaqif son dövrlərdə ilk dəfə bu qədər xoşuma gəldi. Rəqib qapısına yol tapmaq üçün xeyli şansımız oldu. İnsaf naminə onu da qeyd etmək lazımdı ki, bu görüşdə rəqib komanda da çox yaxşı oynadı. Hadisələrin gedişatını nəzərə alsaq, heç-heçədə faciəvi heç nə yoxdu. Ümumiyyətlə, nəyə görə axı bunu faciəyə çevirməliyik?
- Öncə mətbuatla bağlı fikrimi bildirmək istəyirəm. Jurnalistlər bu oyundan sonra elə səs-küy qaldırdılar, şou yaratdılar ki, sanki yığmamız bu rəqibini məğlub etməyə borclu idi. Sual verərlər ki, biz bu komandanı nəyin sayəsində məğlub etməliydik? Yəni biz onlardan bu dərəcədə güclüydük? Yoxsa Azərbaycan yığması DÇ-2014-ün seçmə mərhələsinə vəsiqə qazanmağa çalışır? Mənim fikrimcə, komanda bu görüşdə normal oyun sərgilədi. Oyunun taktikası da düzgün seçilmişdi. Sadəcə, ifaçılar işlərinin öhdəsindən lazımınca gələ bilmədilər. Vaqif Cavadovla Araz Abdullayevdən başqa oynayan yox idi. Vaqif son dövrlərdə ilk dəfə bu qədər xoşuma gəldi. Rəqib qapısına yol tapmaq üçün xeyli şansımız oldu. İnsaf naminə onu da qeyd etmək lazımdı ki, bu görüşdə rəqib komanda da çox yaxşı oynadı. Hadisələrin gedişatını nəzərə alsaq, heç-heçədə faciəvi heç nə yoxdu. Ümumiyyətlə, nəyə görə axı bunu faciəyə çevirməliyik?
- Sözlərinizdən belə çıxır ki, hər şey yaxşıdı?
- Hər şey yox. Foqtsun komandada etdiyi dəyişikliklər xoşuma gəlir. O, artıq komandaya lazımsız futbolçuları çağırmır. Nəhayət ki, daha çox yerli futbolçulara üstünlük verməyə başlayıb. Bu, məni sevindirir. Əminəm ki, qalan oyunlarımızda da uğurlu çıxış edəcəyik.
- Hər şey yox. Foqtsun komandada etdiyi dəyişikliklər xoşuma gəlir. O, artıq komandaya lazımsız futbolçuları çağırmır. Nəhayət ki, daha çox yerli futbolçulara üstünlük verməyə başlayıb. Bu, məni sevindirir. Əminəm ki, qalan oyunlarımızda da uğurlu çıxış edəcəyik.
- Bəs hansı oyunçulardan narazı qaldınız?
- Mənim Rasim Ramaldanova daha çox iradım var. Çox pis oynadı. Zonasını sığortalamırdı. Lüksemburqun hücumçuları istədiklərini edirdilər. Yığmada çıxış edən legionerlərə hörmətim çox olsa da, Branimir Subaşiç komandanı məhvə sürüklədi. Ümumiyyətlə artıq onu yığmaya götürmək düz deyil. Belə vacib bir görüşdə onu meydana buraxmaq da yanlış hərəkət idi. Əlbəttə, həmin anda hücumu gücləndirmək lazım idi. Amma yəni Foqtsun başqa alternativi yox idi?
- Siz Foqtsa qarşı kifayət qədər loyal yanaşırsız...
- Çünki onun millimizdə götürdüyü kursu bəyənirəm. Çünki yığmada artıq öz futbolçularımız oynamağa başlayıblar. Amma onun məşqçilik fəaliyyəti barədə tam fərqli fikirlərim var. Məsələn, mənə görə vaxtilə dağıdıcı funksiyanı yerinə yetirmiş bir müdafiəçidən heç vaxt yaxşı məşqçi çıxa bilməz. Bu, mənim fikrimdi.
- Son məlumatlara görə, bu seçmə tsikl Foqts üçün yığmamızda sonuncu olacaq...
- Onun Azərbaycan yığmasındakı fəaliyyətini müzakirə etmək istəmirəm. Bu, AFFA rəhbərliyinin səlahiyyətində olan məsələdi. Foqtsu bu vəzifəyə onlar gətiriblər, onlar da yekun qiymət verirlər. Əminəm ki, onlar düzgün qərar çıxaracaqlar.
- Onun Azərbaycan yığmasındakı fəaliyyətini müzakirə etmək istəmirəm. Bu, AFFA rəhbərliyinin səlahiyyətində olan məsələdi. Foqtsu bu vəzifəyə onlar gətiriblər, onlar da yekun qiymət verirlər. Əminəm ki, onlar düzgün qərar çıxaracaqlar.
