12 iyun 2013 13:31
Xəzər Lənkəran Almaniyada iki yoxlama oyunu keçirəcək
Azərbaycanı Avropa Liqasında təmsil edəcək “Xəzər Lənkəran”ın bu turnirə, eləcə də yeni mövsümə hazırlıq planları müəyyənləşib. Azerisport.az xəbər verir ki, cənub təmsilçisi iyunun ikinci yarısında bir araya gələcək.
Komanda təlim-məşq toplanışı üçün Almaniyaya yollanacaq. Hazırlıq prosesi zamanı Con Toşak yetirmələrini iki sınaq matçında yoxlamağı planlaşdırır. Həmin görüşlərin iyunun 28-də və 30-da keçirilməsi nəzərdə tutulub. Rəqiblərin kimliyi isə hələlik bəlli deyil.
Toşak toplanışa qədər Azərbaycana gəlməyəcək. Hazırda istirahətdə olan uelsli mütəxəssis komandaya Münhendə qoşulacaq.
