13 iyun 2013 12:36
“Yaxın gələcəkdə rusiyalı futbolçular da Azərbaycana gedəcəklər”
“Qəbələ”nin baş məşqçisi Yuri Syominin agenti Dmitri Selyuk müştərisinin Azərbaycan çempionatındakı perspektivindən danışıb. Azerisport.az xəbər verir ki, o, Rusiya mətbuatına açıqlamasında öncə bunları dilə gətirib:
“İndi çoxları deyir ki, “Qəbələ”ni heç kim tanımır, Azərbaycan çempionatı demək olar inkişaf etmir. Amma məhz Syomin və ya Con Toşak kimi mütəxəssislərin bu ölkəyə gəlməsi çempionatın səviyyəsini qaldırır. Əminəm ki, yaxın gələcəkdə Azərbaycana Rusiyadan da futbolçular böyük məmnuniyyətlə gedəcəklər. Bu, nonsens olmayacaq”.
“İndi çoxları deyir ki, “Qəbələ”ni heç kim tanımır, Azərbaycan çempionatı demək olar inkişaf etmir. Amma məhz Syomin və ya Con Toşak kimi mütəxəssislərin bu ölkəyə gəlməsi çempionatın səviyyəsini qaldırır. Əminəm ki, yaxın gələcəkdə Azərbaycana Rusiyadan da futbolçular böyük məmnuniyyətlə gedəcəklər. Bu, nonsens olmayacaq”.
Selyuk “Qəbələ”ni bəzi Rusiya klubları ilə də müqayisə edib: “Qəbələ”nin imkanlarını hazırda “Rostov”la, “Krılya Sovetov”la müqayisə etmək olar. Son zamanlara qədər “Kuban” da eləydi. Amma orda hər şey çox sürətlə dəyişdi. Mən Lasin Traoreni bu kluba dəvət edəndə maksimum əmək haqqı 400 avro idi. Amma indi Şarl Kabore 1.2 milyon avro qazanır”.
Syominin meneceri arzularını da dilə gətirib: “Çox istəyirəm ki, Yuri Pavloviç çempion olub bir daha göstərsin ki, o, keçmiş SSRİ ölkələrində ən yaxşı mütəxəssislərdən biridi. “Qəbələ”nin qarşısına hazırda avrokuboklara vəsiqə qazanmaq hədəfi qoyulub . İndiki heyətlə Syomindən böyük uğurlar gözləmək çətindi. Amma Syomin artıq yeni komanda formalaşdırmağa başlayıb. Lazım olan heyəti topladıqdan sonra böyük qələbələr gözləməyə dəyər”.
