14 iyun 2013 15:52
İnterin futbolçusu getdi, qayıtmadı
“İnter”in aparıcı futbolçularından daha biri – Brüs Abdulay komandanı tərk edə bilər. Azerisport.az xəbər verir ki, fransalı müdafiəçi komandanın Türkiyə toplanışında da iştirak etməyib.
Məlumatı klubun mətbuat xidmətindən də təsdiqləyiblər. Abdulay ilə ötən mövsüm 1+1 şərti ilə müqavilə imzalansa da, o, mövsüm başa çatan kimi ölkəsinə yollanıb və geri qayıtmır. Paytaxt klubunun rəsmiləri hazırda onunla əlaqə də yarada bilmirlər. Halbuki, tərəflər müqavilənin şərtlərinə uyğun olaraq indi yenidən danışıqlar masası ətrafında əyləşib, növbəti mövsüm üçün yeni anlaşmaya imza atmalı idilər.
Sabah “İnter” Avstriyaya – toplanışın ikinci mərhələsini gerçəkləşdirməyə yollanacaq. Abdulayın bu toplanışa qatılıb-qatılmayacağı sual altındadı. İstisna deyil ki, Brüs özünə yeni komanda tapıb və bu üzdən “bankirlər”in sıralarına qayıtmaq istəmir.
