19 iyun 2013 00:18
Bahodir Nasimov yığmada dubl etdi
Futbol üzrə Özbəkistan millisi DÇ-2014-ün seçmə mərhələsi çərçivəsində növbəti oyununu keçirib. Azerisport.az xəbər verir ki, özbəklər Qətəri qəbul ediblər.
Oyun Özbəkistanın 5:1 hesablı qələbəsi ilə yekunlaşıb. Hesabı 37-ci dəqiqədə qonaqlar açıblar. 60-cı dəqiqədə “Neftçi”nin hücumçusu Bahodir Nasimov komnada yoldaşı Aleksandr Qeynrixi əvəzləyib və meydana çıxan kimi bərabərliyi təmin edib. 12 dəqiqə sonra Oleq Zoteyev fərqlənib. 74-cü dəqiqədə “Neftçi”nin hücumçusu dublunu rəsmiləşdirib. 14 dəqiqə sonra Adil Əhmədov hesabı 4:1-ə çatdırıb. Son nöqtəni isə son dəqiqələrdə Uluqbek Bakayev qoyub.
Bu qələbəyə baxmayaraq, Özbəkistan birbaşa Dünya çempionatına vəsiqə qazana bilməyib. Buna səbəb İranın səfərdə Cənubi Koreyaya qalib gəlməsi olub. Özbəkistan 14 xalla üçüncü pilləni tutur. İkinci pillədəki Cənubi Koreyanın da 14 xal var. İran isə 16 xalla qruppa liderlik edir. Özbəklər DÇ-2014-ə vəsiqə uğrunda play-off mərhələsində mübarizə aparacaqlar.
