20 iyun 2013 00:04
Xəzər Lənkəran Hollandiya klubundan hücumçu alır (FOTO)
“Xəzər Lənkəran” Hollandiyanın “Volendam” klubunun hücumçusu Ceyk Tuypu transfer edə bilər. Azerisport.az xəbər verir ki, cənublular Jupiler Liqada (Hollandiyanın gücünə görə ikinci liqası) çıxış edən komandanın aparıcı forvardı ilə danışıqlar aparır.
Qeyd edək ki, Tuyp ötən mövsüm komandasının bombardiri olub. Onun haqqında son qərarı baş məşqçi Con Toşak verəcək.
Qeyd edək ki, 1983-cü ildə anadan olmuş Tuyp peşəkar karyerasına ilk olaraq 2003/2004 mövsümündə məhz “Volendam”da başlayıb və bu komandada keçirdiyi 46 oyunda 14 qol vurub. 2004/2005 mövsümündə isə o, “Groningen”də 11 oyuna çıxıb. 2005-ci ildə yenidən “Volendam”a qayıdan futbolçu indiyə qədər 250 oyunda 145 qola imza atıb.
