19 iyun 2013 14:03
Rusiya yığmasını Bakıya Kapello yox, Mançini gətirə bilər
Futbol üzrə Rusiya yığmasının baş məşqçi postunda dəyişiklik edilə bilər. Azerisport.az xəbər verir ki, bu barədə İtaliya və Rusiya mətbuatı məlumat yayıb.
Məlumatda bildirilir ki, indiki baş məşqçi Fabio Kapellonun Fransanın PSG klubunun sükanı arxasına keçmək variantı yaranıb. Düzdü, italiyalı mütəxəssisin ruslarla müqaviləsinin müddəti başa çatmasa da, Fransa klubu kompensasiya ödəməyə hazırdı. Kapello PSG-də həmyerlisi Karlo Ançelottini əvəzləməlidi.
Daha bir iddiaya görə isə, Kapello Rusiya və Portuqaliya yığmaları arasında DÇ-2014-ün seçmə mərhələsinin oyunlarının danışılmış olması səbəbindən bu komandadan gedir. Belə bir iddia ilə isə SSRİ yığmasının sabiq üzvü Valeri Maslov çıxış edib.
Qeyd edək ki, artıq Rusiya yığmasını kimin çalışdıracağı barədə də xəbərlər yayılıb. Xarici KİV-ə inansaq, şimal qonşularımız italiyalı digər mütəxəssis Roberto Mançinini yığmaya gətirmək istəyirlər. İngiltərənin “Manchester City” klubundan ayrılandan sonra işsiz olan Mançini Kapello gedəcəyi halda boşalacaq posta əsas namizəddi.
Sonda onu da xatırladaq ki, Rusiya yığması DÇ-2014-ün seçmə mərhələsində Azərbaycanla eyni qrupda yer alır. Bu komanda oktyabrın 15-də Bakıda millimizin qonağı olmalıdı.
