20 iyun 2013 14:45
AFFA Xəzər Lənkərana texniki məğlubiyyət verdi
AFFA İntizam Komitəsinin növbəti iclası keçirilib. Azerisport.az xəbər verir ki, aparılan müzakirələrdən sonra aşağıdakı qərarlar çıxarılıb:
U-16 Liqasının AZAL – “Xəzər Lənkəran” matçında “Xəzər Lənkəran” iştirak etmədiyi üçün kluba 0:3 hesablı texniki məğlubiyyət verilib.
U-16 Liqasının “Turan” – “Rəvan” matçının 64-cü dəqiqəsində “Rəvan”ın futbolçusu Zeki Sinanla “Turan”ın futbolçusu İlkin Rzayev aqressiv oyuna görə birbaşa qırmızı vərəqə alaraq meydandan kənarlaşdırıldıqları üçün hər iki futbolçu 4 oyunluq cəzalanıb.
Futzal üzrə Azərbaycan birinciliyinin “Baku Flames” – “Xəzri” matçının 15-ci dəqiqəsində “Baku Flames” klubunun futbolçusu Orxan Məmmədov komanda yoldaşını təhqir etdiyinə görə birbaşa vərəqə alaraq meydandan kənarlaşdırıldığı üçün 3 oyunluq cəzalanıb.
Həvəskarlar arasında futzal üzrə Azərbaycan birinciliyinin “Kia Motors” – “Zəfəran” matçının 48-ci dəqiqəsində “Zəfəran”ın futbolçusu Elxan İsmayılov, “Kia Motors” klubunun futbolçusu Əsgər Alışanov və Neymət Ömərov dava-dalaşda iştirak etdiyinə görə birbaşa vərəqə alaraq meydandan kənarlaşdırıldıqları üçün hər bir futbolçu 6 oyunluq cəzalanıb.
