20 iyun 2013 17:06
İnter ispaniyalı futbolçu gətirir (FOTO)
“İnter” ispaniyalı futbolçu transfer etməyə hazırlaşır. Azerisport.az xəbər verir ki, bu, son klubu Gürcüstanın “Dinamo” (Tiflis) klubu olan Mikel Alvarodu.
Bu barədə məlumatı futbolçu özü açıqlayıb. O, Gürcüstan mətbuatına müsahibəsində bildirib ki, Azərbaycan klubu ilə iki illik müqavilə imzalayacaq.
Qeyd edək ki, 31 yaşlı yarımmüdafiəçi peşəkar karyerasına 2001-ci ildə “Aurrera” klubunda başlayıb. 2002-ci ildən 2006-cı ilə qədər isə o, “Amurrio” klubunda oynayıb və 71 görüşdə 5 qola imza atıb.
2006-2007 mövsümündə “Barakaldo”da çıxış edən Alvaro 30 görüşdə 2 qolla yadda qalıb. 2007-2008 mövsümündə o, “Denia”da top qovub – 35 oyun, 1 qol. 2008-2009 mövsümündə isə Mikelin xidmətindən “Lleida” yararlanıb – 36 oyunda 13 qol. 2009-cu ildə “Numancia”ya keçən orta sahə oyunçusu burda iki mövsüm ərzində 50 görüşə 4 qol vura bilib. 2011-ci ildən top qovduğu Gürcüstan “Dinamo”şounda isə 59 qarşılaşmada 21 qol vurub.
