21 iyun 2013 14:31
Bakının sabiq futbolçusu Hafiz Məmmədovdan danışdı
“Bakı”nın sabiq futbolçusu Stefan Borbikoni Fransa mətbuatına müsahibə verib. Azerisport.az xəbər verir ki, o, müsahibəsində yerli “Lens” klubunun əsas sponsoru olmaq istəyən “Bakı”nın prezidenti Hafiz Məmmədov haqda fikirlərini bildirib:
“Hafiz Məmmədov klubda tez-tez olmasa da, onun barəsində yalnız xoş xatirələrim qalıb. İstənilən halda o, iş adamıdı və bu üzdən daim məşğul olur. Klubun işləri ilə də Hafiz Məmmədovun kiçik qardaşı (Zeynal Məmmədov nəzərdə tutulur – azerisport.az) məşğul oludu. Hafiz Məmmədov çox sakit və eyni dərəcədə diqqətli insandı. O, həm də əliaçıq və alicənab adamdı. Məsələn, rus oliqarxlara qətiyyən bənzəmir. İştirak etdiyi hər oyundan sonra Hafiz Məmmədov futbolçulara hədiyyə verirdi. O, gülərüz insandır, oyunçulara daim hörmətlə yanaşırdı".
