22 iyun 2013 19:54
İnterdə braziliyalı futbolçu (FOTO)
Türkiyə toplanışından “İnter”in düşərgəsində olan futbolçunun kimliyi müəyyənləşib. Azerisport.az xəbər verir ki, bu braziliyalı Flavio Bekdi.
Komandanın Avstriya toplanışına da yollanan, bu gün Rusiyanın “Krasnodar” klubu ilə görüşdə də sınanan futbolçu ilə bağlı yaxın günlərdə qərar veriləcək.
Qeyd edək ki, tam adı Flavio Bek Junior olan 26 yaşlı futbolçu yarımmüdafiə və hücum xəttində çıxış edir. O, karyerası ərzində “Solin” (Xorvatiya, 2006-2007, 19 oyun, 12 qol), “Energie” (Almaniya, 2007, 9 oyun, 2 qol), “Flamurtari” (Albaniya, 2007, 20 oyun, 5 qol), “Şiroki Briyeq” (Bosniya və Hersoqovina, 2007-2008, 12 oyun, 2 qol), “Flamurtari” (Albaniya, 2009, 15 oyun, 3 qol), “Maribor” (Sloveniya, 2010, 11 oyun) və “Barq Şiraz” (İran, 2010-2011, 9 oyun, 4 qol) klublarında çıxış edib. 2011-ci ildə Çernoqoriyanın “Buduchnost” (Podqoritsa) klubuna keçən Flavio indiyədək 35 oyunda 4 qol vurub.
