23 iyun 2013 00:18
Galatasaray prezidentini seçdi
Türkiyənin “Galatasaray” klubunda növbədənkənar prezident seçkiləri keçirilib. Azerisport.az xəbər verir ki, bir müddət əvvəl föqəladə konfrans qərarı verən İstanbul klubunda gözlənilən seçki nəhayət ki, baş tutub.
Prezidentliyə yeganə namizəd olan hazırkı prezident Ünal Aysal konfrans iştirakçısı olan 1412 nəfərdən 1404-nün səsini qazanıb. Bununla da o, qarşıdakı 3 ildə kluba rəhbərlik etmək şansı qazanıb.
Prezidentlə yanaşı, “Galatasaray”ın yeni İdarə Heyəti də seçilib.
Üzvlər: Özkan Olcay, Ümit Özdemir, Şükrü Ergün, Sedat Doğan, Candan Erçetin, Aka Gündüz Özdemir, Emir Sarıgül, Mete İkiz, Mehmet Cibara, Adnan Nas.
Ehtiyat üzvlər: Ahmet Yüce Ocaklı, Mehmet İpekdokuyan, Mehmet Karlı, Necati Demirkol, Ebru Köksal.
Qeyd edək ki, Aysal ilk dəfə 2011-ci ilin 14 mayında “Galatasaray”ın prezidenti seçilmişdi. Klub onun rəhbərliyi altında ardıcıl iki dəfə Super Liqanın qalibi olub və ötən mövsüm Çempionlar Liqasının 1/4 finalına çıxaraq, “Real”a uduzub.
