22 iyun 2013 16:26
Toşak futbolçulara istirahət verdi
Almaniyada yay təlim-məşq toplanışını davam etdirən “Xəzər Lənkəran” toplanışın üçüncü günündə planlaşdırılan yeganə məşqini səhər saatlarında keçib. Azerisport.az xəbər verir ki, fiziki çalışmalar üzərində başlayan hazırlıqda məşqçilər korpusu toplu və topsuz çalışmaların futbolçular tərəfindən yerinə yetirilməsinə nəzarət ediblər.
Əsasən hazırlığın şən ab-havada keçməsi xüsusi qeyd olunmalıdı. Dünəndən düşərgəyə gələn yeni futbolçu, “Sumqayıt” klubunun və A milli komandamızın şərəfini qoruyan Pərdis Fərcad-Azad bu gün fərdi məşqlərə başlayıb. Hücumçu mövqeyində çıxış edən iran əsilli futbolçu ilə tibbi baxışdan keçdikdən sonra münasibətlər rəsmiləşəcək.
Sabah üçün isə Con Bencamin Toşak futbolçulara istirahət verib. Komanda səhər saatlarında Münhen şəhərinə gəzintiyə çıxacaq.
