24 iyun 2013 00:29
La Liqaya yüksələn son klub bəlli oldu
Futbol üzrə İspaniya La Liqasına vəsiqə qazanan son klub müəyyənləşib. Azerisport.az xəbər verir ki, “Almeria” yeni mövsümdə güclülər dəstəsində çıxış etmək imkanı qazanıb.
Sequndada mövsümü 3-6-cı yerlərdə başa vuran “Almeria», “Girona”, “Alcorcon» və “Las Palmas” arasında keçirilənq mərhələnin finalına ilk iki komanda çıxıb. Səfərdə 1:0 hesablı qələbə qazanan “Almeria” ev oyununda darmadağına (3:0) sevinib və La Liqaya vəsiqə əldə edib.
“Almeria” iki illik fasilədən sonra güclülər dəstəsinə qayıdıb. Komanda 2006/07 mövsümündə vəsiqə qazandığı La Liqanı 2010/11 mövsümünün sonunda tərk etmişdi.
Qeyd edək ki, Sequndada il kiki pilləni tutan “Elche” və “Villarreal” birbaşa La Liqaya yüksəlmişdi. La Liqadan isə “Zaragoza”, “Deportivo” və “Mallorca” aşağı liqaya yuvarlanıb.
