23 iyun 2013 13:17
Toni Adams: Tale Heydərov da bu qərara təəccüblənib
“Qəbələ”nin sabiq baş məşqçisi İngiltərənin “Arsenal” klubunun sədri vəzifəsinə təyin oluna bilərmiş. Azerisport.az xəbər verir ki, London klubunun rəhbərliyi onunla bu barədə danışıqlar aparsa da, sonda 73 yaşlı Ser Con Lindli Kesviki sözügedən posta təyin ediblər.
Toni Adams bu təyinatın baş tutmaması ilə bağlı açıqlamasında maraqlı fikirlər səsləndirib: “Mənə pul lazım deyil. Özüm istənilən halda kluba kömək edə bilərəm. Con əla insandı. Amma mənə elə gəlir ki, bu, səhv seçimdi. Onun artıq 73 yaşı var. Hətta “Qəbələ”nin prezidenti Tale Heydərov da dedi ki, mənim bu posta təyin olunmamağıma çox təəccüblənib. “Arsenal” fantastik klubdu. Lakin artıq titul qazanmağın zamanı çatıb”.
