25 iyun 2013 11:15
“Mübariz Mənsimov püşklə bağlı heç bir şərh vermədi”
“Xəzər Lənkəran”ın direktoru Höccət Hacıyev Avropa Liqasının ilk təsnifat mərhələsindəki rəqibləri – Malta “Sliema Wanderers”i ilə bağlı fikirlərini açıqlayıb. Azerisport.az saytına müsahibəsində o, öncə bunları söyləyib:
“Normal və deyərdim ki, tamamilə layiqli rəqibdi. Onları zəif adlandırmazdım. Son illər Malta futbolu doğrudan da inkişafdadı. Bunun üçün elə ölkənin yığma komandasının oyunlarına, nəticələrinə baxmaq kifayətdi”.
“Normal və deyərdim ki, tamamilə layiqli rəqibdi. Onları zəif adlandırmazdım. Son illər Malta futbolu doğrudan da inkişafdadı. Bunun üçün elə ölkənin yığma komandasının oyunlarına, nəticələrinə baxmaq kifayətdi”.
Buna baxmayaraq, klub rəsmisi püşkdən razı qaldıqlarını gizlətmir: “Başqa komanda da düşə bilərdi. Görünür bəxtimizdə Malta klubu ilə oynamaq var imiş. Növbəti mərhələyə keçməyə çalışacağıq. Başa düşürük ki, bizim uğurumuz Azərbaycan futbolunun inkişafına xidmət edir”.
Lənkəran klubu tarixində yeddinci dəfə avrokuboklara qatılsa da, hələlik cəmi bir dəfə mərhələ adlaya bilib. Bu dəfə Malta klubunu keçəcəyi halda cənub təmsilçisini növbəti mərhələdə Hayfa “Maccabi”si (İsrail) ilə görüş gözləyir. Hacıyev isə hələlik uzağa getmək istəmir:
“Biz ilk növbədə Malta klubunu məğlub etmək haqda düşünməliyik. Bunun üçün isə yaxşı futbol göstərməyimiz lazımdı. İkinci təsnifat mərhələsi haqda indidən düşünməyə dəyməz”.
“Biz ilk növbədə Malta klubunu məğlub etmək haqda düşünməliyik. Bunun üçün isə yaxşı futbol göstərməyimiz lazımdı. İkinci təsnifat mərhələsi haqda indidən düşünməyə dəyməz”.
Onun sözlərinə görə, artıq klubun fəxri prezidenti Mübariz Mənsimova da püşkün nəticəsi barədə ətraflı məlumat verilib. Amma Mənsimov püşklə bağlı heç bir şərh verməyib.
“Xəzər Lənkəran”ın ilk oyunu səfərdə keçirməsinə də toxunan klub rəsmisi sonda bunları söyləyib: “Bu, bizim üçün çox yaxşı oldu. Çünki planlarımızı dəyişəsi olmayacağıq. Almaniyadan birbaşa Maltaya gedib, ilk oyunumuzu səfərdə keçirəcəyik”.
