26 iyun 2013 00:53
“Albaniyada rəqibimizin Neftçi olmasına sevinirlər”
Albaniyanın “Skenderbeu” klubunun meneceri Cerard Takay UEFA Çempionlar Liqasının ikinci təsnifat mərhələsində Azərbaycan çempionu “Neftçi”yə rəqib olmalarını şərh edib. Azerisport.az saytına müsahibəsində o, öncə bunları söyləyib:
“Bizə rəqib olması mümkün olan bütün komandalar güclü idilər. Amma Azərbaycan çempionu bizim üçün nisbətən daha yaxşı variant idi. Mən şadam ki, bizə məhz “Neftçi” düşdü. Albaniyada da hamı buna gör sevinclidi”.
“Bizə rəqib olması mümkün olan bütün komandalar güclü idilər. Amma Azərbaycan çempionu bizim üçün nisbətən daha yaxşı variant idi. Mən şadam ki, bizə məhz “Neftçi” düşdü. Albaniyada da hamı buna gör sevinclidi”.
Lakin o, “Neftçi”nin də güclü klub olduğunu etiraf edib: “İstənilən halda “Neftçi” də güclü komandadı və yaxşı büdcəsi var. Komandanın heyətində yaxşı oyunçular var. Onlar İtaliyanın “İnter” klubu ilə səfərdə heç-heçə ediblər. Halbuki, belə nəticəyə hər komanda nail ola bilmir”.
Klub prezidenti Adrian Takayın oğlu “Neftçi”ni mübarizədən kənarlaşdıracaqlarına inandığını bildirib: “Son üç ildə Albaniya çempionu adını qazanırıq. Ötən il evdə “Debrecen”i məğlub etsək də, səfər oyununun sonlarında iki qol buraxaraq, növbəti mərhələyə keçə bilmədik. Lakin bu dəfə bəxtimizin gətirəcəyinə çox ümidliyik”.
Onun sözlərinə görə, ilk oyunun Bakıda keçirilməsi də “Skenderbeu”nun lehinədi: “Hərdən bu amil də öz sözünü deyir. Bu üzdən müəyyən üstünlüyümüzün olduğunu düşünürəm. Ev oyununda artıq bizim növbəti mərhələyə keçmək üçün hansı nəticəyə oynayacağımızı biləcəyik”.
Takay Bakıdakı istinin onlara problem yaratmayacağını düşünür: “Hava bizim üçün əngəl ola bilməz. Bakıdakı kimi olmasa da, bizdə də istidi. Amma biz Yunanıstanda tez-tez oluruq və orda da hava çox istidi”.
