26 iyun 2013 01:54
“İnterin hədəfi iki mərhələ keçməkdi”
“İnter”in baş direktoru Natiq Məmmədov Avropa Liqasının ilkin təsnifat mərhələsindəki rəqibləri – Finlandiyanın “Mariehamn” klubu barədə fikirlərini açıqlayıb. Azerisport.az saytına müsahibəsində o, bunları söyləyib:
“Mən rəqibimizin zəif komanda olduğunu deməzdim. Bizə tamamilə normal komanda düşüb. Amma biz bu komandanı keçməyə borcluyuq. Bunun üçün yetərli gücümüz var. Allah eləsin ki, öz imkanlarımızdan lazımınca istifadə edə bilək”.
“Mən rəqibimizin zəif komanda olduğunu deməzdim. Bizə tamamilə normal komanda düşüb. Amma biz bu komandanı keçməyə borcluyuq. Bunun üçün yetərli gücümüz var. Allah eləsin ki, öz imkanlarımızdan lazımınca istifadə edə bilək”.
Avrokuboklardakı ən bəxtsiz komandalarımızdan sayılan “İnter”in rəsmisi bu mövsümə optimist fikirlərlə yanaşır: “Bizim hədəfimiz iki mərhələ keçməkdi. İkinci mərhələdə “Celje” (Sloveniya) – “Tromse” (Norveç) cütünün qalibi ilə görüşə bilərik ki, bundan da razıyam. Çünki daha təhlükəli komandalarla düşə bilərdik. Amma bu, baş vermədi. Həm Sloveniya, həm də Norveç klubu ilə oynaya bilərik. Onlar da təxminən bizim gücümüzdədi”.
Məmmədov “İnter”in transfer siyasətindən də danışıb: “Komandanı həqiqətən xeyli oyunçu tərk etdi. Bizim onlara ehtiyacımız var idi. Amma belə alındı. Əvəzolunmaz futbolçu yoxdu. Bizim öz gənclərimiz var. Onların bəzisini əsas komandaya cəlb etmişik. Həmin oyunçuları avrokubok oyunlarında da görəcəksiz”.
