25 iyun 2013 14:28
Pantiç Bakını ilk məşqə çıxardı
İstirahətdən qayıdan “Bakı” bu gün saat 11:00-da ilk məşqinə çıxıb. Azerisport.az xəbər verir ki, bununla da, komandanın yeni mövsüm üçün hazırlıqlarına start verilib.
Yeni mövsümə hazırlaşan klub ilk məşqində daha çox yüngül fiziki hərəkətlərlə kifayətlənib. Məlumat üçün deyək ki, mövsümə hazırlıq çərçivəsində komandanın düşərgəsinə Yuri Fomenko və Mindauqas Kalonasla yanaşı, daha bir neçə gənc futbolçu da cəlb edilib.
Yeri gəlmişkən qeyd edək ki, komandanı məşqə artıq yeni çalışdırıcısı Milinko Pantiç çıxarıb.
