27 iyun 2013 00:06
Millimizin oyunçusunu Ertoğrul Sağlam çalışdıracaq
Türkiyənin “Eskişehirspor” klubunun yeni baş məşqçisi müəyyənləşib. Azerisport.az xəbər verir ki, Super Liqa klubunu Ertoğrul Sağlam çalışdıracaq.
43 yaşlı mütəxəssis klub rəhbərliyi ilə razılığa gəlib. Sağlam cümə günü Atatürk Olimpiya stadionunda azarkeşlərə təqdim olunacaq. O, bu postda Ersun Yanalı əvəz edəcək.
Qeyd edək ki, Sağlam məşqçi karyerasına 2003-cü ildə başlayıb. “Samsunspor”, “Kayserispor” və “Beşiktaş”ı çalışdırdıqdan sonra 2009-cu ildə “Bursaspor”un başına keçən mütəxəssis 2009/10 mövsümündə komandaya Super Liqanın qızıl medallarını qazandırmaqla tarixə düşüb. Belə ki, Bursa təmsilçisi 4 böyükdən başqa, Türkiyə çempionu olan ilk komanda olub.
Sağlam “Beşiktaş” və “Bursaspor”la Super Liqanın bürünc medalını qazanıb, Bursa klubu ilə Super Kubok və ölkə kubokunda final oynayıb.
Onu da qeyd edək ki, “Eskişehirspor”da millimizin üzvü Ufuk Budak çıxış edir.
