26 iyun 2013 11:52
“Xəzər Lənkəran güclü olsa da...”
“Xəzər Lənkəran”ın Avropa Liqasının ilk təsnifat mərhələsindəki rəqibi olan Maltanın “Sliema” klubunun prezidenti Keyt Perri püşkatmadan sonra azerisport.az saytının bəzi suallarını cavablandırdı. Onun açıqlamaları ilə sizi də tanış edirik:
“Mənim “Xəzər Lənkəran” barədə məlumatım yoxdu. Rəqibimiz haqda məlumat toplamağa bundan sonra başlayacağıq. Bilirəm ki, Azərbaycanda futbol sürətlə inkişaf edir və hazırda heç də pis səviyyədə deyil”.
“Mənim “Xəzər Lənkəran” barədə məlumatım yoxdu. Rəqibimiz haqda məlumat toplamağa bundan sonra başlayacağıq. Bilirəm ki, Azərbaycanda futbol sürətlə inkişaf edir və hazırda heç də pis səviyyədə deyil”.
Prezident öz klubundan da danışıb: “Sliema” az qala hər il avrokuboklara vəsiqə qazanır. Amma komandamız bir mərhələdən artığını keçə bilmir. Rəqibimiz güclü olsa da, biz növbəti mərhələyə adlamağa çalışacağıq. Bizim italiyalı baş məşqçinin rəhbərliyi altında yaxşı təşkilatlanmış komandamız var”.
Perri etiraf edib ki, püşkdən o qədər də razı qalmayıb: “Püşkün nəticəsini bizim üçün qənaətbəxş saya bilmərəm. Bizə çox çətin olacaq. Amma hər bir oyunun öz tarixçəsi olur. “Xəzər Lənkəran”la görüşlər də maraqlı olacaq”.
“Sliema”nın prezidenti ölkəmiz haqqında da danışıb: “Azərbaycan haqqında da çox məlumatım yoxdu. Ölkənizi daha çox hər il keçirilən Avroviziya mahnı müsabiqəsindən xatırlayıram. Biz hər il bu müsabiqədə Azərbaycana 12 xal veririk! Soruşun, niyə? Çünki sizin insanlar və mahnılarınız bizim çox xoşumuza gəlir. Mən şəxsən özüm Azərbaycana səs vermişəm”!
